Ingrid Schubert (RAF)%,m2tt Eefalo PZzdged Nn89A by.svj 刀50
- Ur bajenn disheñvelout Ingrid Schubert zo ivez.
Ingrid Schubert (miz Du 1944 en Ebern - 12 a viz Du 1977 e München) a voe unan eus diazezerien Rote Armee Fraktion (RAF). Kemer perzh a reas e dieubidigezh Andreas Baader hag e tagañ meur a di-bank. En em zistrujañ a reas e 1977.
He buhez[kemmañ | kemmañ ar vammenn]
E miz Meurzh 1970 e tapas kaout he diplom war ar medisinerezh e skol-veur dieub Berlin. Daou viz goude e kemeras perzh e dieubidigezh Andreas Baader. En hañv e 1970 e voe unan eus an ugent ezel bennak eus RAF az eas da bleustriñ d'ur c'hamp azoet gant Al Fatah e Jordania. E diabarzh RAF e veze anvet Irene ha Nina. D'an 29 a viz Gwengolo 1970 ez eo Schubert a vlenias ar c'harr implijet gant izili RAF goude laerezh argant en ur Sparkasse e Berlin. En hañv hag en diskar-amzer 1970 e kemeras perzh e tagañ daou di-bank da nebeutañ. D'an 8 a viz Here e voe harzet Schubert e Knesebeckstraße e Berlin, asambles gant Horst Mahler, Brigitte Asdonk hag Irene Goergens. E miz Ebrel 1971 e voe kondaonet da drizek vloaz en toull-bac'h evit bezañ bet perzh e dieubidigezh Baader, meur a hold-up hag evit bezañ kalsket lazhañ tud. Etre 1976 ha 1977 e voe bac'het e Stuttgart, asambles gant Andreas Baader, Gudrun Ensslin, Ulrike Meinhof, Jan-Carl Raspe, Irmgard Möller ha Brigitte Mohnhaupt. En toull-bac'h e kemeras perzh e meur a harz-debriñ. En em zistrujañ a reas d'an 12 a viz Du 1977 e toull-bac'h Stadelheim.
E 1986 e voe dibabet an anv „Kommando Ingrid Schubert“ gant izili RAF (trede rummad) a aozas ur gwalldaol a-enep Gerold von Braunmühl.
Levrlennadur[kemmañ | kemmañ ar vammenn]
- Stefan Aust: Der Baader-Meinhof-Komplex. Hoffmann & Campe, Hamburg 2005, ISBN 3-455-09516-X.
- Wolfgang Kraushaar (Hrsg.): Die RAF und der linke Terrorismus. Edition Hamburg, Hamburg 2006, ISBN 3-936096-65-1.
- Butz Peters: RAF – Terrorismus in Deutschland. Droemer Knaur, München 1993, ISBN 3-426-80019-5.
- Butz Peters: Tödlicher Irrtum. Die Geschichte der RAF. Argon-Verlag, Berlin 2004, ISBN 3-87024-673-1.
| |||||||||||||
