Punerug
Sto articol al é scrit in belumat
|
Al puner, polinèr o ponaro al è na costružion fata par cener le pite serade sù e a 'l quert. La prima de le do necessità la è ligada, dopo che an controlo su i animai, a na question de sicureža par evitar che žerti animai come la bolp o i can randaji i pode ndar a brancar le pite.
Indice
- 1 Carateristiche costrutive
- 1.1 Al serajo
- 2 Al capanon de le pite
- 3 Altri progeti
Carateristiche costrutive[canbia | canbia el còdexe]
Al puner al pol esser fat de legn o co mur veri e propri, e de solito al à senpre na porta de acesso pitost pižola par diminuir la dispersion de calor. Senpre par sto motiu, na olta al sucedea da spess che al gnesse ricavà te na stanžeta sora la stia de i poržei. Al seramento de solito al è fat da 'n cancel co 'l teler de fer e stropà co rede fina, ma al pol esser anca na portela de legn. Come seradura pol esserghen an cadenaž o an sartarel. Al aredamento interno al è fat da 'l scalet (na strutura particolar, che la ghe someja a na scala a pecoi, aonde che le pite le ndà a dormir) e da an žerto numero de cassete inpjenide de fjen o de paja aonde che le pite le ndà a far i ovi e a coarli. La porta de 'l puner la pol esser diretamente su 'n cortiu o su 'n pra, ma tante olte da dà su 'n recinto ciamà serajo.
Al serajo[canbia | canbia el còdexe]
Al serajo al è an spažio recintà aonde che le pite le à modo de pascolar. Al pavimento al è costituì da tera batesta o da pra, e al recinto da rede. I sostegni par al recinto i pol esser pai de cassia inpjantadi 'te 'l teren, o da palet de fer zingà negadi 'te 'n muret de cimento che al cor de tut deslonch de 'l perimetro de 'l puner. Al portel de 'l puner de solito al è fat co 'n teler de legn o de fer tanponà co rede fina. Al pol gner serà co 'n cadenaž o co 'n sartarel. De solito ghe n'è anca na mangiatoja e an cadin par l'acqua. Žerte olte al serajo al gnen quert co na rede a maje larghe de plastica par parar le pite da eventuai agrssion da parte de 'l oselaž.
Al capanon de le pite[canbia | canbia el còdexe]
La industrializažion de la produžion de ovi e de polastri la à portà a 'n model de puner abastanža diverso da quel che tuti cognosson: Al serajo al esiste solche par qualche azienda particolar, senò i animai i viu ten gabje pižole inte 'n capanon, aonde che ghe rua a ogni una la so ražion de magnar e de bere.
Altri progeti[canbia | canbia el còdexe]
Su Commons ghe xe dei file multimediałi su Puner