Пинскоень Нупоньчейтьn ( h HxOo oa
| Пинскоень Нупоньчейть | ||
| бел. Прыпяцкія балоты | ||
 | ||
| Мастор |
 Белорузия Республикась | |
|---|---|---|
| Высота над уровнем моря | 135±1 метр и 133 метр[1] | |
| Часовой пояс | UTC+3 | |
 | ||
|
| ||
Координатт: 51°48′55″ с. ш. 24°57′10″ в. д. / 51.81527777780577537° с. ш. 24.95277777780577821° в. д. (G) (O) и Координатт: 52° с. ш. 26° в. д. / 52° с. ш. 26° в. д. (G) (O){{#coordinates:}}: нельзя иметь более одной первичной метки на странице[1]
Пинскоень Нупоньчейть (бел. Пінскія балоты, Pinskiya baloty), истя жо содавить кода Припятень Нупоньчейть (бел. Прыпяцкія балоты, Prypiackija baloty), теке марто Полесьень Нупоньчейть ды Рокитно Нупоньчейть теить покш ведев-нупоньчеев таркат Припять лей чирева ды леень ожа чирева, Брест, Могилев, Киев оштнень видс. Те сехте покш ведев-нупоньчеев тарка Европасо. Те таркасонть ашти Пинской ошось.
Ваннома[витнемс-петнемс | витнемс-петнемс лисьмапрянзо]
Пинскень Нупоньчейтне аштить Полесьень Алотаркасо, лиси Полесьень Нупоньчейтне ацавить Беларузиянь ламо модава ды Украинань пелевеёнга. Нупоньчейтне ацыть 269,400 вп2 , сынст перька аштить чуваронь алотаркат ды Припять леень ожат. Припять леесь — те Днепрань прявт лейожа[2]. А ютавиця вирь полады нупоньчейсэ, зёлтсо, лейсэ, конатне тетькевить 480 вп. Иень перть нупоньчейтне полавтыть покшолмаст, солы ловось ды сёксень пиземетне кандыть седе ламо ведь. Нупоньчейтнень костямост ушодовкшность 1870 иестэ ды костязь мода лангсо молить сокамот-видемат.
Историязо[витнемс-петнемс | витнемс-петнемс лисьмапрянзо]
Историянь коряс малава весе иень перть нупоньчейтьне аштить аютавицякс покш ушмотненень, мезесь ашти прясо покш ушмонь ютамсто не модатнева. Тундонь чадышкава нупоньчейтьне валовить ды пешкедить ведьсэ, секс ломантне ютавить тия ансяк венч лангсо[3]. Коське «усиятнесэ» вастневить пиче-келейлопань вирьть.
Римень Прокопий историкенть «Юстинианонь тортинге» сёрмадовкссо ашти тешкстазь, што васенце славянтнэ кекшнесть не нупоньчейтьнесэ ведь алга ды лексесть нудей вельде тосто.
Кода весе нупоньчейтьне, таркатне лововсть аволь шумбракс. XIX пингестэ ламо таркава нупоньчейтьне ульнесть костязь, истя идевсь 1,5 млн. га[4]. Васенце Весе масторонь тортингень шкане нупоньчейтьне явизь Австро-Венгриянь ушмотнень XII-це корпусдо ды лангозост каятотсть Рузонь Империянь ушмотне. Тортингень шкане нупоньчейтьне кадовсть сехте аютавиця таркакс.
Весе Масторонь Омбоце торпингень шкане нупоньчейтне явсть турема театрасонть кавтов. Нупоньчейтнес кекшнесть советской ды польской партизантнэ. Немецень прявттнэ арсесть костямс нупоньчейтнень, панемс тосто «аломантнень» ды нолдамс тов эрямо немецень колонистт.
Конрад Мейер ульнесь «Припять Планонь» прявтокс. Гитлер лоткавтызе проектэнть, сон пельсь тестэ лиси «пулев вакан»[5]. Немецень расань антропологось — Теодор Порше — ловсь неть нупоньчейтнесэ Арийской расань лисема таркакс.
1942 иестэ малава 1000 еврейть оргодсть Лачва геттосто ды 600 эйстэст кекшсть Пинскоень нупоньчейтьнесэ.
Весе Масторонь Омбоце торпингень шкане вермахтонь ушмотне ютасть нупоньчейтнень перька. Ялатеке 1944 иестэ мекев молемстэ истят ушмотнень вейсэндявкстнэ, кода 7, 35, 134, 292 ялгонь дивизиятнень савсь ютамс нупоньчейтнень пачк. Сыненст савсь вачкамс чувтонь ютамо кить, конатнева ютавольть шожда канст алашасо ускоматнесэ[6].
1952 иестэ Советской шкане[7]ульнесь мель костямс нупоньчейтнень. 1986 иестэ таркась кармась весе мастор келес содавиксэкс Чернобыль катастрофань коряс. Секе марто а эряви тапамс Припять ошонть ды Пинскень нупоньчейтнень. Ошось ашти 356 вп ве ёнов.
Лисьмапрят[витнемс-петнемс лисьмапрянзо]
- ↑ 1,0 1,1 GeoNames — 2005.
- ↑ Pripet Marshes - Encyclopædia Britannica
- ↑ Основные закономерности географического распространения болот
- ↑ Wetlands Under Threat. World Wide Fund For Nature Living Waters Campaign. Issues Brief 1, p. 1
- ↑ Blackbourn, David, (2006). The Conquest of Nature: Water, Landscape and the Making of Modern Germany. Jonathan Cape.
- ↑ Pictorial History Of The Second World War; Volume III - Fighting on the Pripet Marshes
- ↑ Karakov, G. (George), 1952 plan for the draining of the Pripet Marshes. New York, N.Y. : Research Program on the U.S.S.R., 1953 (OCoLC)623960881.
