María de MontpellernfHDtZWH7hPdxP0BbTt
| María de Montpellier | |
|---|---|
| Reina consort d'Aragón | |
 Reina consort d'Aragón | |
| 15 de chunio de 1204 - 18 d'abril de 1213 | |
| Predecesor | Sancha de Castiella y Polonia |
| Succesor | Alionor de Castiella y d'Anglaterra |
| Naixencia | c. 1180 |
| Muerte | 18 d'abril 1213 Roma |
| Conchuche/s | Pero II d'Aragón |
| Descendencia | Matilde Petronila Chaime I d'Aragón |
| Pai | Guillén VIII de Montpeller |
| Mai | Eudoxia Comnena |
María de Montpellier, (c. 1180 - Roma 18 d'abril 1213), filla de Guillén VIII de Montpeller y Eudoxia Comnena de Constantinoble.
Muller de Pero II d'Aragón, con qui se casó o 15 de chunio de 1204. Se tractó d'un matrimonio aforzau por os intreses creyaus en o Meyodía francés y que quasi creyó una crisi succesoria. Ta poder quedar embarazada, María se ficó a escuras en o leito en quan o suyo hombre heba de veyer-se con a suya aimant.[1] Fruito d'ixe inte naixió o prencipe Chaime, futuro Chaime I d'Aragón.
Antis d'o matrimonio con Pero II estió casada con Barral, vizconte de Marsiella. En 1197 enviudó y su pai la cedió a Bernardo IV, conte sobirán de Cominches, ta aluenyar-la de Montpeller y ceder o suyo herencio a o suyo chirmanastro, Guillén IX de Tolosa. D'iste matrimonio naixioron dos fillas, Matilde y Petronila.[2]
Repudiada en 1201, poco antis d'a muerte de su pai, o conte Bernardo IV de Cominches se divorció de María d'alcuerdo con Pero II d'Aragón, ta que iste heredase a sinyoría de Montpeller a cambeo de quantas sinyorías en o Luengadoc. María recurrió a o Papa ta dexichir a soberanía de Montpeller alegando a ilechitimidat d'o suyo chirmanastro. Asinas, Pero II se fació con Montpeller forachitando a Guillén IX d'a ciudat en 1204.
O matrimonio aprebó alavez importants privilechios ta l'autonomía comunal. Pero II miró divorciar-se d'ella ta casar-se con María de Montferrato, por o que María de Montpeller marchó enta Roma ta demandar chusticia a o Papa. Estando en a ciudat de Roma, moriba en abril de 1213.
Referencias[editar | editar código]
- ↑ (ca) "Crónica del Rey en Pere e dels seus antecessors passats", Bernat Desclot, , Capitol IV "En qual manera lo rey En Pere de Arago engenra son fill, lo rey En Jaume que prech lo regne de Mallorques'
- ↑ As dos apareixen en o testamento de María de Montpeller atorgau o 6 d'octubre de 1211.
| Predecesor: Sancha de Castiella y Polonia |
Reina consort d'Aragón 15 de chunio de 1204 - 18 d'abril de 1213 |
Succesor: Alionor de Castiella y d'Anglaterra |
