Spmjrzl

Medianeta
Localidat d'Aragón
Entidat  • País  • Provincia  • Comarca  • Municipio	Lugar Aragón  Uesca Alto Galligo Candarenas
Población  • Total	0 hab.
Altaria	717 m.

Medianeta ye un despoblato medieval situato chunto a lo río Moro, en l'Alto Galligo, entre a carretera Zaragoza-Chaca y o lugar de Xabierre-Latre, en a parzana conoixita como Soduruel.

Hue nomás bi ha espedregals, entre os que i son as ruinas d'a ilesia, d'estilo romanico chaqués rural d'a segunda metat d'o sieglo XII, con abside presbiterio y nau, a puerta ye situata a meyodía.

Aparixe documentata entre os anyos 1020 e 1035. Tamién se documenta en 1187 entre os lugars que facioron voto a Sant Indalecio. O lugar desapareixió en o sieglo XVI como atros muitos d'a redolada debito a las pestes, dende o sieglo XV ya no bi ha documentos d'a suya existencia.

Toponimia[editar | editar código]

Medianeta ye un toponimo latín que puet venir de:

• "Medius-a-um", que ye entre dos partis, ya que puet estar que perteneixiese a dos sinyors en bell inte d'a suya historia. Ye o más probable.
• L'antroponimo "Medius" (no documentato) con os sufixo de pertenencia "-ena" o "-ana" y o diminutivo aragonés "-eta". Allora Medianeta ye a "villa de Medius".

Atros pueblos con o mesmo orichen toponimico son Mediano (Uesca), Mediana (Zaragoza), Mediana (Uesca) u Mediavilla (Burgos).

Referencias[editar | editar código]

• (es) "Medianeta", un despoblado de Soduruel