Արտեմ Հովհաննիսյան6 S Ee x0G lc פ lI GgDWw, bmWwd nkGuy
Multi tool use
 | |
|---|---|
| Ծնվել է | 1824 |
| Ծննդավայր | Ջուղա |
| Մահացել է | 1888 |
| Մահվան վայր | Թիֆլիս, Ռուսական կայսրություն |
| Ազգություն | հայ |
| Կրթություն | Լազարյան ճեմարան և Ս. Մ. Կիրովի անվան ռազմական բժշկական ակադեմիա |
| Մասնագիտություն | բժիշկ |
| Գիտական աստիճան | բժշկական գիտությունների դոկտոր (1857) |
Արտեմ Հովհաննեսի Հովհաննիսյան (1824, Ջուղա - 1888, Թիֆլիս, Ռուսական կայսրություն), հայ բժիշկ: Բժշկական գիտությունների դոկտոր (1857): Կովկասյան բժշկական ընկերության և Թիֆլիսի հայ բժիշկների ընկերության հիմնադիրներից:
Կենսագրություն[խմբագրել | խմբագրել կոդը]
Արտեմ Հովհաննիսյանը ծնվել է 1824 թվականին, Ջուղա քաղաքում: Ավարտել է Մոսկվայի Լազարյան ճեմարանը և Սանկտ-Պետերբուրգի ռազմաբժշկական ակադեմիան: Աշխատել է Թիֆլիսի քաղաքային հիվանդանոցում, ապա եղել է Կովկասյան բժշկական ընկերության վարչության կառավարչի օգնական: Եղել է հայկական սեմինարիայի բժիշկ, այնուհետև՝ տնօրեն, «Առողջապահական թերթ» (1881-1889) ամսագրի մշտական աշխատակից[1]:
Աշխատանքները վերաբերում են էպիլեպսիայի հիմնահարցերին, նորածինների առողջության պահպանմանը, տարբեր հիվանդությունների ախտանշաններին: Կովկասյան բժշկական ընկերության և Թիֆլիսի հայ բժիշկների ընկերության հիմնադիրներից է: Մշակել է հիվանդությունների կանխարգելման միջոցառումներ: Հեղինակ է «Բորժոմի և նրա հանքային աղբյուրների մասին» (ռուսերեն, 1878) մենագրության:
Արտեմ Հովհաննիսյանը մահացել է 1888 թվականին, Թիֆլիսում:
Երկեր[խմբագրել | խմբագրել կոդը]
- Հովհաննիսյան Ա. Հ., Բորժոմի և նրա հանքային աղբյուրների մասին, մենագրություն, 1878:
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005: