Spmjrzl

Ren - Sciumme de l’Europa centro-occidentâ (1326 km). O passa insce-o territoio de sei Stati (Svissera, Liechtenstein, Austria, Germania, Fransa, Paixi Basci). O prinsipâ rammo sorgentissio (Ren Anteriô) o nasce inti Arpe svissere, da-o San Gottardo, e o se dirizze verso NE, risevendo poi da scinistra o Ren Posteriô, provegninte da-o masciscio de l’Adula. O sciumme o prosegue in diression N, da primma intregamente in territoio svisseo, da peu segnando o confin tra Svissera e Liechtenstein e tra Svissera e Austria; intrao into Lago de Costansa, o ne sciorte e o prosegue in diression E-O, formando e cheite de Laufen (20 m), presso Sciaffusa. Riçevuo da scinistra l’affluente Aare e toccao Baxilea, o s'indrissa torna verso N, scorindo inta Fossa Renan-a. Succescivamente, penetrao totalmente in territoio tedesco, o percore un’ampia zona cianezante inta quæ o so letto o se allarga progrescivamente e o riçeive da-a drita o Neckar e quindi o Men, so mascimo tributaio. O prosegue dapeu, sempre verso N, in te 'na valle incassaa a traverso o Masciscio Scistoso Renan, riçevendo, da drita, i ægoe do Lahn e da Ruhr e, da scinistra, quelle da Mosella. A Lobit o pennetra inti Paixi Basci: o so delta apparente (in realtæ una ramificassion, e quæ brasse dan leugo a una serie de foxe a estuaio) o comensa a Pannerden, donde o Ren o l'incanella i 2/3 de seu ægue into Waal, che, unindose a-a bassa Meusa, o cangia poi o nomme in Merwede e o se caccia into Mâ do Nord. O restante di ægoe, ò Neder Rijn, doppo avei destaccao a Huissen un atra ramma, l’Ijssel (ch'o sfoxa inte l’Ijssel Meer), o passa pe Arnhem e Wijk, dond'o piggia o nomme de Lek. Bagnao Krimpen e Rotterdam, co-o nomme de Nieuwe Maas, o se dividde a seu votta inte doe ramme, che sboccan into Mâ do Nord.